Sa dokiman-la finn tradir par Hugues Marianne (hugues[at]posteo.net), copyright © 2021.


Ki ete OmegaT?
==============

OmegaT li enn zouti tradiksion asiste par ordinater milti-platform ki lib ek 'open source', avek resers bann korespondans, memwar tradiksion, resers par mo kle, gloser, ek reitilizasion bann tradiksion dan bann proze ki finn modifie.



Informasion lor lisans
======================

OmegaT disponib sou lisans GNU General Public ki finn pibliye par Free Software Foundation. Lisans ki aplikab li version 3, ouswa ninport ki lisans ki pli resan. Ou kapav trouv text lisans-la dan /docs/OmegaT-license.txt.

OmegaT servi enn kantite bibliotek. Lisans sak bibliotek finn mansione dan /lib/licenses/Licenses.txt.



Kondision prealab pou instal OmegaT
===================================

OmegaT nesesit omwin version 1.8 "Java Runtime Environment (JRE)" pou fonksionn lor ou sistem.

Ou kapav servi bann version OmegaT ki deza ena JRE pou evit ou traka seleksionn, ’download’ ek instal JRE.



Instalasion OmegaT (Windows)
============================

Lans program instalasion la.



Instalasion OmegaT (Mac)
========================

Dekonpres arsiv .zip OmegaT pou gagn akse enn dosie kot ena enn fisie dokimantasion ek aplikasion OmegaT. Bouz dosie-la dan enn anplasman apropriye kouma dosie Applications.



Instalasion OmegaT (Linux)
==========================

Met arsiv-la dan ninport ki dosie apropriye e dekonpres li. Ou kapav servi OmegaT toutswit.

Ou kapav toutfwa servi skript instalasion (linux-install.sh) pou enn instalasion pli prop ek fasil. Pou servi sa skript-la, ouver enn lafnet konsol, al dan dosie kot ena OmegaT.jar e skript linux-install.sh, ek exekit skript-la avek ./linux-install.sh.



Instalasion OmegaT (Solaris, FreeBSD, etc.)
===========================================

Met arsiv-la dan ninport ki dosie apropriye e dekonpres li. Ou kapav servi OmegaT toutswit.



Itilizasion Java Web Start pou instal OmegaT (tou bann platform)
================================================================

Si Java finn deza instale lor ou sistem, enn bann fason instal OmegaT se servi Java Web Start.

'Download' sa fisie-la ek exekit li:

  https://omegat.sourceforge.net/webstart/OmegaT.jnlp

Sa pou instal lanvironnman apropriye lor ou lordinater ek program limem okour premie exekision. Ou pa pou bizin konekte lor internet pou bann lansman swivan.



Lansman OmegaT (Windows)
========================

Si pandan linstalasion ou finn kree enn sortket lor ou biro, fer doub-klik lor sa sortket-la.

Program instalasion kapav kree bann sortket pou ou dan meni Start, lor ou biro ek dan zonn lansman rapid. Ou kapav ousi fer enn rise-depoze fisie OmegaT.exe dan meni Start, lor ou biro ouswa dan zonn lansman rapid pou kree enn sortket.

Si ou trouv fisie OmegaT me pa fisie OmegaT.exe dan File Manager (Windows Explorer), sanz bann paramet pou afis bann extansion.



Lansman OmegaT (Mac)
====================

Fer enn doub-klik lor aplikasion OmegaT.

Ou kapav ris aplikasion OmegaT lor ou 'dock', ouswa lor bar zouti Finder pou kapav exekit li depi ninport ki lanplasman. Ou kapav ousi lans li depi enn resers dan Spotlight.



Lansman OmegaT (Linux)
======================

Si ou finn servi skript linux-install.sh, ou bizin kapav lans OmegaT avek:

    Alt+F2

ek answit:

    omegat

Pou enn fason pli sinp pou exekit OmegaT, ou kapav servi skript Kaptain (omegat.kaptn). Pou servi sa skript-la, ou bizin instal Kaptain avan. Apre ou kapav lans skript Kaptain avek:

    Alt+F2

ek answit:

    omegat.kaptn



Lansman OmegaT depi lalign komann (pou tou bann sistem)
=======================================================

Komann pou lans OmegaT li:

    cd <dosie kot fisie OmegaT.jar ete>

    <nom ek sime fisie Java executable> -jar OmegaT.jar

(Fisie Java executable li fisie java lor Linux ek java.exe lor Windows.  Si Java deza instale nivo sistem e si li dan sime komann, li pa neseser ou rant sime konple.)



Bann kontribiter
================

OmegaT li inisialman enn realizasion Keith Godfrey.

Project manager OmegaT li Aaron Madlon-Kay.

Lekip aktiel:
(lord alfabetik)

- Vincent Bidaux (documentation manager)
- Marco Cevoli (Telegram community manager)
- Jean-Christophe Helary (Twitter community manager)
- Kos Ivantsof (localisation manager)
- Concepción Martin (Facebook community manager)
- Briac Pilpré (webmaster)
- Lucie Vecerova (Facebook community manager)

Bann kontribision dan kod zot dokimante dan /docs/contributors.txt.

Bann dimoun ki finn kontribie dan le pase:
(lord alfabetik)

- Anthony Baldwin (localisation manager)
- Didier Briel (project manager)
- Alex Buloichik (lead developer)
- Sabine Cretella
- Dmitri Gabinski
- Jean-Christophe Helary (support group owner, localisation manager)
- Maxym Mykhalchuk (lead developer)
- Samuel Murray
- Henry Pijffers (release manager)
- Marc Prior (project co-ordinator, webmaster)
- Vito Smolej (documentation manager)

ek boukou boukou lezot dimounn.

(Si ou ousi ou finn boukou kontribie me ou nom pa aparet dan lalis, pran kontak avek nou.)



Bann lien itil
==============

Linformasion ki pli resan lor OmegaT li disponib lor:

  https://omegat.org/

Bann resours pou bann itilizater:

  https://omegat.org/support

Bann reket pou ameliorasion (Angle), lor sit web SourceForge:

  https://sourceforge.net/p/omegat/feature-requests/

Bann rapor bug (Angle), lor sit web SourceForge:

  https://sourceforge.net/p/omegat/bugs/
